Eventoj n-ro 224, retposxta versio
**********************************
Titolpagxe: - 18-24 februaro - Semajno de Internacia Amikeco
- E v e n t o j - 10 jara jubileo!
Faka aplikado: - EspeTRON
- IEI-kalendaro
Kontakto sercxata: - Aktivulo sercxata!
Interreto: - Opera pli kaj pli esperantigxas...
- Mallonge (5)
Arangxoj: - PSI
- Kuba kongreso
- Dana jarkunveno
- L e r n i i n t e r k u l t u r e
- Kompleta monata kalendaro
Movado: - Nova gxenerala direktoro eklaboris
- Elstaraj E-agadoj de 2001
- Pligrandigxo de la teamo de TEJO-Aktuale
- UK en Pekino kaj Vilniuso
- Inauxguro de profesia "Lernejo de Esperanto"
- Komunikada Centro en Bruselo
- 40-jarigxo de Malta Esperanto-Societo
- Ne plu Zamenhof strato en Zwolle, Nederlando
TEJO-angulo: - Igxu B-komitatano de TEJO
Dua pagxo: - Nefermita letero al samideano Andre Albault
- Nefermita respondo
Instruado, ILEI: - La unua E-kurso en Dominiko!
Radio: - Havano informas!
Libroj: - Rakontaro "Mondoj"
Rubrikoj: - Mallonge (11), anoncetoj (2), korespondi deziras (8)
"Eventa ludkvizo"
Interese: - Alia vojo
- La "H-problemo"
***************************************************************************
TITOLPAGxE
//////////
18-24 februaro
==============
Semajno de Internacia Amikeco
La lasta plensemajno de februaro estas dedicxata al la Internacia Amikeco.
Tio okazas de multaj jaroj: la iniciatoro de la ideo, Erik Carlson, anoncis
lian ideon antaux 32 jaroj, dirante "Ni ekbruligas la flamon de Amikeco
trans limoj. Gxia lumo signifas justecon, fratecon, pacon inter homoj kaj
popoloj".
Tiu cxi grava evento farigxis tutmonda tradicio de la Esperanto-movado.
Fakte gxi celas du aspektojn de la Esperanto-movado, kiuj helpas gxin
difini kaj plifortigi. Unu estas plivigligo de la kontaktoj inter la
sxatantoj de la Esperanta kulturo en la diversaj landoj; la alia estas la
konscia ligado de Esperanto kun societoj de aliaj movadoj. Oni konstatis
ke, jaro post jaro, la festo de la Internacia Amikeco cxiam pli
enradikigxis en la Esperanto-komunumo gxis igxi grava semajno tra la mondo.
Faru ankaux vi agadojn!! En cxi tiu jaro gxi okazos de la 18-a gxis la 24-a
de februaro.
Kiamaniere?
Estas pluraj manieroj, laux la kapabloj de la organizantoj. Jen kelkaj:
- atentigu pri la ekzisto de la Semajno per letero al via loka jxurnalo aux
radio;
- arangxu publikan kunvenon. Invitu la urbestron aux alian eminentulon por
paroli. La esperantistoj faru mallongan prelegeton pri Esperanto kaj pri
gxiaj ebloj krei amikecajn kontaktojn inter malsamaj popoloj;
- dum unu el la vesperoj de la Semajno, arangxu privatan amikecan feston por
la klubo;
- presigu afisxojn. Ilin oni povas disdoni al butikoj kun peto, ke oni montru
ilin en la butiko antaux kaj dum la semajno;
Atentigu viajn lokajn lernejojn kaj pregxejojn pri la ekzisto kaj celo de
la Semajno, kaj sugestu, ke onu enplektu la Semajnon en siajn lecionojn,
predikojn ktp.
Ne forgezu raporti pri via agado al via landa asocio kaj al internaciaj E-
informservoj. Bonan Agadon!
Francesco Maurelli
Rete: fran.mau@forigu.libero.it
***************************************************************************
E v e n t o j - 10-jara jubileo!
=================================
Precize antaux 10 jaroj - en marto 1992 - aperis la unua numero de Eventoj
kaj el la tiama sensperta novnaskito al hodiaux kreskis vera, internacia E-
centro (redakcio, eldonejo, reta agentejo, E-lernejo).
La fondintoj kaj la nunaj kunlaborantoj de Budapesxta E-Domo festos la
10-jarigxon la 2-an de marto en Budapesxto per gaja, gxoja dancvespero -
kun viva muziko en kulturcentro KMO en la 19-a distrikto de Budapest.
Ni invitas niajn legantoj, kaj cxiujn interesigxantojn al la komuna
festado. La partopreno por abonantoj de Eventoj estas senpaga...
Detaloj cxe http://www.eventoj.hu
***************************************************************************
FAKA APLIKADO
/////////////
EspeTRON
========
Operaciaj sistemoj estas la bazaj programoj por komputiloj, kiel ekzemple
Vindozo (Windows). Gxi ebligas al la komputilo ke povu havi diversajn
bazajn funkciojn, kiujn la uzanto cxiu tage ofte uzas.
Ekzistas nova komputila operacia sistemo, nomata EspeTRON, kiu ebligas fari
cxiun operacion per esperantlingva menuo, kaj erar-alarmoj ankaux aperas
Esperante. Gxi estas aldonata al la komerca sistemo nomata Cho-Kanji,
efektivigo de TRON, japandevena operaciumo. La aldona parto estas senpage
elsxutebla, kondicxe ke oni jam posedas la originan TRON"sistemon, de la
firmao "Personal Media".
Unu el la karakterizoj de tiu TRON estas senpera uzo de 170 000 skribsignoj
de la mondo -tiu sumo superas Unikodon! (la plej favoran internacian
litersistemon) - plene inkluzivitan en TRON, kaj utila por araba, taja, kaj
multaj aliaj lingvoj.
En la retpagxoj cxe:
http://www.wombat.zaq.ne.jp/esperanto/tron/pbe01o13.htm trovigxas la ecoj
de TRON kaj la kialo de la Esperantigo. La laboron faris 9-membra
"Esperanta Studogrupo de TRON".
Sibayama Zyuniti
Rete: sibayama@forigu.isl.melco.co.jp
***************************************************************************
IEI-kalendaro
=============
La posxtkarta kalendaro de IEI por la jaro 2002 estas jam havebla. La
kalendaro utilas, ekzemple, por sendi al amikoj aux por instrui al viaj E-
gelernantoj la kalendarajn esprimojn.
La prezoj, ekskluzive de la sendokostoj estas: 1 peco, 0,50 EUR; 5 pecoj,
2,00 EUR; 10 pecoj 4,00 EUR; 25 pecoj 10,00 EUR; 50 pecoj 20,00; 100 pecoj,
40,00 EUR; 500 pecoj 200,00 EUR.
Pliaj informoj kaj mendoj cxe:
Internacia Esperanto-Instituto
Riouwstraat 172, NL-2585 HW Den Haag, Nederlando
Rete: iei001@forigu.worldonline.nl
***************************************************************************
KONTAKTO SERCxATA
/////////////////
Aktivulo sercxata!
==================
Ekzistas en la mondo relative multaj Esperanto-Centroj kaj Kursejoj. Ili
faras tre utilan laboron, cxar ili organizas kursojn pri Esperanto kaj pri
la esperantlingva kulturo, kie miloj da homoj jam lernis Esperanton aux
eniris la Esperanto"kulturon.
Por efike helpi ilin, kaj iel kunlaborigi ilin, almenaux por oferti la
kurs-eblecojn al neesperantistoj, UEA bezonas aktivulon, kiu sxatus
transpreni la taskon: listigi la ekzistantajn centrojn; korespondi kun ili;
kunlabori kun la estraro de UEA/ILEI por starigi agad-planon tiurilate;
kunlabori kun la estraro de UEA/ILEI por arangxi por ili programerojn en
estontaj Universalaj Kongresoj.
La laboro jam estas komencita de alia komisiito, kiu nun ne plu povas
okupigxi pri gxi, sekve vi ne devos komenci de nulo. Nepras ebleco aliri la
reton kaj kapablo diplomatie rilati kun homoj.
Pliaj informoj kaj aligxo cxe:
Renato Corsetti
Via del Castello, 1, IT-00036 Palestrina, Italio
Rete: renato.corsetti@forigu.esperanto.org
***************************************************************************
INTERRETO
/////////
Opera pli kaj pli esperantigxas...
==================================
Antaux ne longe estis anoncita 6-a versio de konata retumilo Opera,
produktata en Norvegio, bonege montras unikodajn Esperanto-literojn! Prova
versio de tiu rapidega alternativa retumilo ekde la 13-a de novembro estas
senpage elsxutebla de la servilo http://www.opera.com. Gxi estas nur 3.18
megabajta, kaj dume nur por Vindozo kaj nur anglalingva.
Plene subtenas unikodon ankaux la retposxtilo de Opera.
Esperanto estas montrata kiel unu el elekteblaj preferataj lingvoj de la
posedanto. Suficxe versxajna estas baldauxa apero de plene Esperantigita
versio de la retumilo (pri tiu ebleco antaux iom da tempo menciis
kunlaborantoj de Opera mem).
Andrej Grigorjevskij
Rete: andreo@forigu.mailru.com
***************************************************************************
Estis kreita retlisto "programistoj"respondas@forigu.yahoogroups.com". Celo de la
listo estas informi ne tiom spertulojn pri interreto kaj diversaj
prikomputilaj aferoj.
* * *
La prezidanto de Stomatologia Sekcio de UMEA anoncas la kreon de ret-listo,
kiu celas anstatauxigi la paperan bultenon "Stomatologia Forumo". Cxiuj
sanprofesiuloj estas bonvenaj cxe: http://groups.yahoo.com/group/umea/.
* * *
Ekzistas nova listo por la diskutado en Esperanto de literaturo. Gxia
adreso estas: per-esperanto"literaturo@forigu.yahoogroups.com.
* * *
Malgraux la festotagoj retkatalogo de Internacia Esperanto Muzeo en Vieno
kreskis dum la lastaj ses semajnoj je mil rikordoj al 24 000. Via konstanta
apogo per ofta enrigardo estas por ni tre valora. La katalogo trovigxas
cxe: http://www.onb.ac.at/sammlungen/plansprachen/index.htm.
* * *
Katalogo de Germana E-Biblioteko en Aalen kun pli ol 10 000 rikordoj t.e.
bibliografiaj priskriboj de libroj (kaj sonportiloj, videofilmoj) troveblas
cxe: http://www.cs.chalmers.se/mxartinw/esperanto/aalen/.
***************************************************************************
ARANGxOJ
////////
PSI
===
La 18-a Printempa Semajno Internacia, PSI okazas inter 29. 03. - 05. 04.
2002 en Waldfischbach-Burgalben, Germanio. PSI estas la paska Esperanto-
arangxo por la tuta familio. Cxi foje la cxefa temo estas "Multaj kulturoj
- unu ideo; Multaj ideoj - unu kulturo". En la programo estas multaj
apartaj programoj por infanoj kaj por junuloj por ke la tuta familio povu
vere ripozi. Oni povas viziti interesajn prelegojn, kursojn. Okazas viglaj
diskutoj kaj agrablaj vesperaj kaj noktaj programoj.
Pliaj informoj kaj aligxo cxe:
Wolfgang Bohr
Johannes-Kirschweng-Str. 11. DE-53474 Bad Neuenahr-Ahrweiler, Germanio
Rete: psi@forigu.esperanto.de
***************************************************************************
Kuba kongreso
=============
La 4-a Nacia Kongreso de Kuba Esperanto-Asocio, KEA okazas inter 06-09. 03.
2002 en Havano, la cxefurbo de Kubo. La partoprenantojn atendas diversaj
seriozaj kaj amuzaj programeroj. Estas atendataj ankaux eksterlandanoj.
Okazas antauxkongresaj kaj postkongresaj ekskursoj al belaj turismaj lokoj
en Kubo.Aligxo cxe:
Kuba Esperanto-Asocio
pf. 5120, Havano, Kubo
Rete: kubesp@forigu.ip.etecsa.cu
***************************************************************************
Dana jarkunveno
===============
Dana Esperanto-Asocio, DEA okazigas sian jarkunvenon inter 16-17. 03. 2002.
en Vejle, Danio. Estas atendataj ankaux eksterlandanoj! Okazas diversaj
kulturaj programoj, prelegoj, danco-instruado.
Pliaj informoj kaj aligxo cxe:
Dana Esperanto-Asocio
Hallandsgade 6, DK-2300 S, Danio
Rete: dea@forigu.esperanto.org
***************************************************************************
L e r n i I n t e r k u l t u r e
La Nord-Amerika Somera Kursaro, NASK estas:
- trisemajna intensa lernado de Esperanto;
- por komencantoj gxis akademi-anoj;
- internaciaj instruistaro kaj studentaro;
- ricxa vespera kaj semajnfina programo.
Post 32 jaroj en Sanfrancisko, NASK ekmigras! En 2002, la kursaron gastigos
mondfama interkultura altlernejo, "The School for International Training",
en nordorienta Usono. Kune kun la profesiuloj de la lernejo, niaj
instruistoj evoluigas novan kaj entuziasmigan studprogramon kiu emfazas la
uzadon de Esperanto por interkultura komunikado kaj kunlaboro.
Datoj: 8-26 julio, 2002.
Loko: Brattleboro, Vermonto
(facile atingebla de Bostono, Novjorko, aux Hartfordo).
Instruistoj: d-rino I. Koutny (Hungario/Pollando),
d-ro A. Melnikov (Rusio)
d-ro R. Resende (Brazilo).
Kotizoj: logxado en dulita cxambro kun mangxoj, 640 USD;
kurskotizo, 900 USD.
Stipendioj haveblas.
Pliaj informoj kaj aligxo cxe:
Ellen M. Eddy
11736 Scott Creek Drive SW Olympia WA 98512
tel. (360) 754-4563
fakso: (360) 786-9175
Rete: eddyellen@forigu.aol.com
w w w . e s p e r a n t o . o r g / n a s k /
***************************************************************************
Kompleta monata kalendaro
=========================
La kompleta jara listo de E-arangxoj dauxre aktualigata de ni, troveblas en
interreto http://www.eventoj.hu . Korektoj, aldonoj estas bonvenaj! Por
ricevi txt-formatan version sendu mesagxon (enhavo ne gravas) al la
auxtomato: kalendaro@forigu.esperanto.org
* * *
02.03. Jubilea festo kaj internacia Esperanto-balo okaze de la 10-a
naskigxdato de Eventoj. Inf: red. Eventoj, Laszlo Szilvasi, pk. 87, HU-1675
Budapest, Hungario. Rete: eventoj@forigu.esperanto.org
* * *
02.03. Pedagogaj tagoj, Budapest. Inf: s-ino Marta Kovacs, Ady Endre ut
23-25/c, HU-1221 Budapest, Hungario. Tel: +36-1-2263602. Rete:
kovacsm@forigu.s2.berzsenyi.isk.tvnet.hu
* * *
02-03.03. Esperanto-stagxo, Saint-Aignan-de"Grandlieu cxe Nantes. Inf:
Helene Vincent, rue B. Cendrars, FR-44100 Nantes, Francio. Tel:
+33-40439242, rete: Xgodivier@forigu.esperanto.org
* * *
06-09.03. 4-a Nacia Kongreso de Kuba Esperanto"Asocio, Havano. Inf:
Kongresa Preparkomitato, Kuba Esperanto"Asocio, Pf. 51, CU-10500 Havano,
Kubo. Fakso: +537-338729, rete: kubesp@forigu.ip.etecsa.cu
* * *
06-10.03. 14-a Festivalo EoLa (Esperanto-Lingvo arta), Cxeboksari. Inf:
Sasxa Fedotova, str. Egerskaja 5"10, RU-428024 Cxeboksari, Rusio. Rete:
dmir@forigu.online.ru
* * *
10-17.03. Tejo-Seminario "Aktiva Civitaneco" en Litovio. Inf: TEJO, Nieuwe
Binnenweg 176, NL-2015 BJ Rotterdam, Nederlando. Tel: +31-10-4361044. Rete:
oficejo@forigu.tejo.org
* * *
15-17.03. Alternativa Semajnfino pri ekologio, sen"perforta vivmaniero,
feminismo, veganismo, plus distra programo, dancado ktp en Erquy (Bretonio,
Francio). Inf: kacujo@forigu.yahoo.fr
* * *
16-17.03. Dana jarkunveno en la sudjutlanda urbo Vejle. Inf: Dana Esperanto
Asocio, Hallandsgade 6, DK-2300 Kopenhago S, Danio. Rete: dea@forigu.esperanto
* * *
22-26.03. MIRO en Puntizela, Kroatio.
* * *
23-24.03. Vintraj tagoj de Esperanto-Asocio de Finnlando, Mikkeli. Inf:
EAF, Siltasaarenkatu 15 C 65, FI-00530 Helsinki, Finnlando. Rete:
eaf@forigu.esperanto.fi
* * *
25-29.03. Praktikado de la lingvo (1-a, 2-a niveloj) en Bouresse. Inf:
Kvinpetalo, Esperanto-Centro, FR-86410 Bouresse, Francio. Tel/faksilo:
+33-(0)549428074. Rete: kvinpetalo@forigu.club-internet.fr
* * *
27.03-02.04. 26-a Internacia Junulara Festivalo (IJF) en Fenestrelle. Inf:
Manuel Giorgini, S. Polo 606, IT-30125 Venezia, Italio. Rete:
ijf.admin@forigu.esperanto.it
* * *
29.03-01.04. Nov-Zelanda Esperanto-Kongreso, Wellington. Inf: LKK, 238
Buckley Road, Southgate, Wellington, Nov-Zelando. Rete:
johorton@forigu.paradise.net.nz
* * *
29.03-05.04. 18-a Printempa Semajno Internacia (PSI) en Waldfischbach-
Burgalben. Inf: Wolfgang Bohr, Johannes"Kirschweng-Str. 11, DE-53474 Bad
Neuenahr - Ahrweiler, Germanio. Tel: +49-(0)2641-4885, fakso:
+49-(0)2641-978666, rete: psi@forigu.esperanto.de
***************************************************************************
MOVADO
//////
Nova gxenerala direktoro eklaboris
==================================
Trevor Steele, nova aganta gxenerala direktoro de UEA, ekoficis ekde la 1-a
de januaro 2002.
Li estas entute la kvina, kiu okupas la plej superan oficistan postenon de
UEA ekde 1955, kiam la Centra Oficejo translokigxis de Britio al Roterdamo.
Trevor Steele, konata E-lingva verkisto, laux reciproka interkonsento kun
la Oficeja komisiono de la Estraro de UEA, estas nomumita por la periodo de
unu jaro, dum kiu unu el liaj cxefaj taskoj estos la harmoniigo de
interrilatoj inter la Oficejo kaj la Estraro.
Steele rajtas ankaux kandidati por la posteno de konstanta Gxenerala
Direktoro, kiu devos esti elektita en 2002. Intertempe li ankaux kontribuos
al organiza restrukturigo kaj teknika modernigo de la CO.
Paralele kun tio okazas la iom-po-ioma foriro de kelkaj antauxaj oficistoj:
ekde marto ne plu laboros en la CO Istvan Ertl, la antauxa redaktoro de
"Esperanto", kiu ricevis novan laboron en Bruselo cxe internacia
neregistara organizo.
La nova redaktoro, Stano Marcxek, Slovakio, pretigos la revuon hejme, rete
alsendante gxin al Roterdamo por presigo kaj ekspedado (la januara numero,
la unua redaktita de Marcxek, jam estas presata).
Teorie la 10-an de januaro finigxis la dejxorperiodo de Pasquale Zapelli,
la direktoro de la Oficejo. Tamen li plulaboris gxis la fino de januaro,
helpante pri renovigo de la komputila sistemo de la Oficejo.
Parte plenigas la aperantan vakuon Ionel Onet, rumandevena usonano, kiu
venis al Nederlando por transpreni la UEA"libroservon de Simo Milojevicx.
CO de UEA
***************************************************************************
Elstaraj E-agadoj de 2001
=========================
Komence de januaro 2002 en kelkaj movadaj retlistoj okazis enketado pri la
plej elstaraj E-agadoj de la pasinta jaro. En gxi partoprenis 17 personoj.
Ili cxiuj indikis de 2 gxis 5 agadoj, kiujn ili opiniis la plej atentindaj.
Plej multajn vocxojn ricevis:
- 1. Indigxenaj Dialogoj (11);
- 2-3. La movado de lingvaj festivaloj (8);
- 2-3. E-Euroscola (8)
- 4. eLibrejo cxe Esperanto.nu (7)
- 5-7. La agado de Kolombia Esperanto-Ligo (6);
- 5-7. Universala Kongreso de Esperanto (6);
- 5-7. La projekto Interkulturo (6);
- 8. E-sxildoj en Brazila stacidomo (4);
- 9-13. Edukado.net (3);
- 9-13. Reformoj en la CO de UEA (3);
- 9-13. TEJO-seminarioj (3);
- 9-13. Retbutiko cxe Esperanto.se (3);
- 9-13. Sxtatnivela vizito de Osmo Buller al Litovio (3);
- 14-16. "Zamenhofa enketado" en Rusio (2);
- 14-16. UNESKO-kampanjo (2);
- 14-16. Afrika agado (2);
La rezultoj estas neniuokaze io oficiala aux respegulanta la tutan spektron
de opinioj de la tutmonda esperantistaro. Tamen, ni esperu, ke la
internacia rekono estos ioma premio por la entuziastoj, laborintaj por la
sukceso de la menciitaj agadoj!
Andrej Grigorjevskij
***************************************************************************
Pligrandigxo de la teamo de TEJO-Aktuale
========================================
Sekve de la alvoko por trovi kunlaborantojn, aligxis al la teamo de TEJO-
Aktuale tri novaj aktivuloj:
- Oleg Izjumenko, Rusio: administrado de la abonantaro, reklamado;
- Jevgenij Gaus, Litovio: gxisdatigo de la retpagxoj;
- Dejan Skrebic, Bosnio: kontaktoj kun informantoj kaj redaktantoj.
- Katya Ignatyeva, Rusio, gxisnuna kunordiganto, oficiale forlasas la teamon.
laux TEJO-Aktuale
***************************************************************************
UK en Pekino kaj Vilniuso
=========================
La estraro de UEA, kunveninta en Roterdamo 11-13 de januaro 2002, interalie
decidis principe pri la estontaj Universalaj Kongresoj.
Por 2004 la Estraro akceptis la inviton de Cxina Esperanto"Ligo okazigi
Universalan Kongreson en Pekino. Oni antauxvidas subtenon de la cxina
registaro kaj entuziasman kunlaboron de la cxinaj movadanoj.
Por 2005 estis akceptita la invito de Litova E-Asocio. Tiam la 90-a
Universala Kongreso de Esperanto gastos en la cxefurbo de Litovio,
Vilniuso.
Cxar en 2005 estos la centjara jubileo de la 1-a UK (tamen ne temos pri la
100-a UK, cxar en kelkaj jaroj la kongresoj ne okazis pro la mondmilitoj)
oni antauxvidas specialan antauxkongresan programon en Bulonjo-sur-Maro,
Francio. Bulonjo mem estas tro malgranda por gastigi modernan UK-n.
Siaflanke Litovio, proksime ligita kun la historio de Esperanto, kun
elstare amasa E-movado, prezentas tre favorajn kondicxojn kaj sxtatan
subtenon.
CO de UEA
***************************************************************************
Inauxguro de "Lernejo de Esperanto"
===================================
La 19-an de januaro malfermis la pordojn "Lingva", profesia lernejo de
Esperanto. La lernejo, kun cxiaj modernaj poredukaj rimedoj (videoaparato,
KD-romoj, ktp) situas en la urbo San"Pauxlo, Brazilio.
Lingva
R. 7 de Abril, 235, cj. 107 San-Pauxlo, Brazilio
laux Nun
***************************************************************************
Komunikada Centro en Bruselo
============================
Baldaux en Bruselo aperos Komunikada Centro, kiun intencas starigi Euxropa
Esperanto-Unio kunlabore kun kelkaj euxropaj E-asocioj. Gxi situos
maksimume proksime al euxropaj instancoj, fondajxoj, miloj da diverslandaj
jxurnalistoj kaj internaciaj neregistaraj organizoj.
La celo de la Centro estos profesinivele informi la euxropajn kaj ankaux
tutmondajn amaskomunikilojn pri la lingvaj problemoj, faktoj de lingva
diskriminacio, proponante sekve de tio informojn pri la ekzistanta solvo
prezentata de Esperanto.
La motoro de la ideo kaj la cxefa laborforto en la komenca stadio estos
brusela jxurnalisto David Ferguson, kimrodevena irlandano, bone
orientigxanta en la brusela Babelo.
Dum la jxus okazinta kunsido de la Estraro de UEA estis akceptita decido
provizi la Centron per garantia sumo de 19 mil euroj, tiel ebligante gxian
baldauxan ekfunkcion. Tio estas granda parto de la antauxvidata cxi jara
bugxeto, la ceterajn rimedojn devos kontribui Euxropa E"Unio, Flandra E-
Ligo, Esperanto Nederland kaj aliaj kunlaborantaj asocioj.
CO de UEA
***************************************************************************
40-jarigxo de Malta Esperanto-Societo
=====================================
Festante sian 40-jarigxon, la 26-an de decembro 2001, Malta Esperanto-
Societo invitis esperantistojn sendi posxtkartojn kun gratulmesagxoj, kaj
samtempe partopreni konkurson. La arangxoj por festi la 40-jarigxon de la
Societo finigxis per Zamenhofbankedo.
laux Nun
***************************************************************************
Ne plu Zamenhofstrato en Zwolle, Nederlando
===========================================
Pli kaj pli da homoj forgesas Esperanton. Antaux du jaroj, la urbestroj de
malgranda urbo Zwolle en Nederlando decidis sxangxi la nomon de Zamenhof
strato pro tio ke "Esperanto, lingvo kreita de Zamenhof, neniam farigxis
monda lingvo". Laux la urbaj mosxtuloj, Zwolle ne perdas "parton de sia
historio". Logxantino klarigis en loka gazeto tiele la aferon: "En Zwolle
esperantismo estas iom formortinta. Mi preskaux neniun konas kiu ankoraux
parolas gxin, kvankam sxajnas esti malgranda grupo junuloj kiuj iom
okupigxas pri gxi."
La neekzistinta aux malbona publika bildo de Esperanto malhelpas pluteni la
nomon de la Zamenhof strato. Tamen eksa cxefurbestro, kies nomo nun
anstatauxigas tion de Zamenhof, Job Drijber, estas kontenta. "Mi nun povas
konvinki miajn infanojn kaj ties infanojn ke vere estas vera." Hazarde,
Drijber malfermis al Zamenhof straton en 1975 kaj nun li povis kunporti
hejmen la malnovan sxildon kun la nomo Zamenhof strato. Bonsxance, la eksa
cxefurbestro venis kun sia auxto cxar la Zamenhof-sxildo estas granda.
La malapero de la Zamenhof strato estas trista afero sed ecx cxi tiu
negativa afero havas pozitivajn flankojn cxar en la jaro 2001:
- multaj mesagxoj pri la afero aperis en la lokaj kaj landaj gazetoj;
- la landa televidstacio "RTL" raportis pri la afero dum la novajxelsendo;
- du esperantistinoj el Zwolle gastis cxe fama radioprogramo kaj parolis pri
Esperanto kaj la nomsxangxo;
- pro la nomsxangxo la estraro de Zwolle decidis renovigi 2 E-monumentojn
kiuj estas lokataj en la (iama) Zamenhofsingel;
Esperanto Nederland, la landa asocio organizis ekspozicion pri Esperanto en
la biblioteko de Zwolle. Dum la malfermo de la ekspozicio 2 prelegoj okazis
pri la uzado de Esperanto.
Cxi tiu Esperanto-propagandaj okazintajxoj okazis "danke al" la decido de
la estraro de Zwolle.
Kiel esperantisto, cxiu kompreneble bedauxras la malaperon de la Zamenhof
strato.
Sed fakto estas ke Zamenhof estas nur gravulo en la Esperantomovado.
Versxajne la plej multaj enlogxantoj de Zwolle tute ne scias kiu estas la
persono Zamenhof. La atento rilate al Esperanto cxirkaux la nomsxangxo
multe pli impresis la enlogxantojn de Zwolle ol 26 jaroj da Zamenhof
strato.
La nomo Zamenhof ne malaperis en Zwolle cxar oni baptis la trafikcirklon je
la fino de la iama Zamenhof strato kiel "Zamenhof-trafikcirklo".
Ronald Bijtenhoorn
Rete: vaganto@forigu.wisx.net
***************************************************************************
TEJO-ANGULO
///////////
Igxu B-komitatano de TEJO!
==========================
Venis la jaro 2002, para jaro en kiu laux la artikolo 3-3 de la TEJO-
regularo devas esti elektitaj novaj komitatanoj B de TEJO. Ili estas
reprezentantoj de individuaj membroj de la organizo. Tio signifas, ke cxiu
individua membro de TEJO rajtas decidi pri sia reprezentanto en la TEJO-
komitato. Kaj same cxiu individua membro de TEJO rajtas kandidatigxi kaj
tiel rekte kundecidi en la Komitato pri gravaj okazajxoj en la Organizo.
Cxi foje, oni povas elekti maksimume kvin komitatanojn B.
Por eniri la Komitaton oni ne nepre devas esti multjara spertulo pri agado
de TEJO. Certe oni bezonas konsilojn kaj helpon de spertaj homoj, sed same
bonvenaj estas ankaux aktivuloj de landaj sekcioj aux de lokaj grupoj, kiuj
per sia laboro pretas kontribui al la funkciado kaj evoluo de la Organizo.
Gravas nur ke oni havu ideojn kaj fortojn realigi tiujn.
Se vi volas ekscii pli pri agadkampoj de TEJO (ekz. pri landa agado,
eksteraj rilatoj, kongresoj, seminarioj, informado, kunlaboro kun aliaj
Esperanto-organizoj) kaj volas mem aktive influi al agado de la Organizo,
ne hezitu kandidatigxi - kaj igxu komitatano B!
Kandidatigxo devas alveni plej laste gxis la 31-a de marto 2002.
Pliaj informoj kaj aligxo cxe:
TEJO
Nieuwe Binnenweg 176, NL-3015 BJ Rotterdam, Nederlando
Rete: ghen.sek@forigu.tejo.org
***************************************************************************
DUA PAGxO
/////////
Nefermita letero al samideano Andre Albault
===========================================
Estimata D-ro Albault!
Lastatempe mi ricevis de vi ekzempleron Trefo, bulteno favora al nova
helpalfabeto, por kiu mi tre dankas. Malgraux la stranga ortografio,
plenplena de literoj kiaj ay kaj aw, kaj kun troabundo da literoj ah, mi
povis legi preskaux cxion. Tamen, mi tute ne komprenas kial vi deziras
sxangxi la ortografion kaj tordi la aspekton de nia bela lingvo.
Kial vi kontrauxas supersignojn? Laux mia scio, cxiu euxropa ligvo (jes,
ecx la angla) havas supersignojn kaj aliajn kromsignojn. Cxu la franca, la
germana, la pola, la dana lingvoj ankaux sxangxu la ortografion? Kial ili
faru tion? Mi scias, ke la germanoj lastatempe decidis ne plu uzi la
literon "gx" (pr. "es-cet", literon, kiun en kelkaj kazoj oni povis
anstatauxi ass), sed mi ne konscias pri vasta movado reformcela por sxangxi
ortografion de aliaj lingvoj; eble mi simple ne estas suficxe bone
informita pri tiaj aferoj.
Cxu nia literaro estas la precipa obstaklo pro kio la tuta mondo ankoraux
ne adoptis Esperanton? Povas esti multaj kialoj, sed mi ne povas kredi ke
nia alfabeto estas unu el ili.
Se ni sxangxus la ortografion de Esperanto, cxu ne farigxus arkaikaj la
miloj da libroj pri kiuj Esperantujo tiom fieras? Certe ne helpus la
disvastigxon de nia lingvo se varbotoj eltrovas, ke nia juna kaj relative
malgranda lingvo jam havas du alfabetojn. Stabileco de nia lingvo tre
gravas, kiel rekonis la fruaj Esperantistoj kiuj konceptis la neceson de
nesxangxebla fundamento.
En la cxefartikolo de Trefo, numero 4a vi parolis pri "xskribo,
fusxskribo". Kiel vi, mi abomenas uzon de la litero "x" en Esperanto, kaj
plejparte mi rifuzas legi tian tekston. Ikso-kodo estas por masxinoj, ne
por homoj. Se homoj deziras legi en Esperanto tekston kiu estas enkodita
per iksoj, ili unue Esperantigu gxin. Cxiu moderna tekstigilo povas tion
fari en nur unu ono de sekundo.
En la komputilo estas nur nombroj, kaj cxiu litero estas nur duuma (binara)
nombro. Ekzemple, se oni uzas la programon Cxapelilo, la litero agx estas
224 dekume aux decimale (aux 11111000 duume), kvankam aliaj programoj uzas
aliajn kodojn. La litero ai estas nombro 105 dekume aux 01101001 duume.
Rimarku, ke cxi tie cxiu nombro havas 8 bitojn (tio estas, 8 ciferojn unu
kaj/aux nulo). Do, la vorto agxi estas 1111100001101001 (kodo kiun mi
ankaux rifuzas legi - por tio ni havas masxinojn). Multaj programoj jam
povas sendi tiajn literojn rekte tra la elektronika reto, de unu masxino al
alia. Ni ecx neniam vidas la kodojn.
Tamen, la elektronika reto estas ankoraux juna. Gxis nun, en la plej ofta
kaj simpla metodo por sendi literojn, nombroj super 128 estas nepermesataj.
Do ni povas fari la taskon per nur 7 bitoj. Pro tio, kiam litero estas
nombro pli granda ol 128, oni sendas duoblan literon. Mi sendas ag-xn.
Homoj kiuj nun revizias PIV sendas agx-n. Homoj cxe UEAsendas agh-n. Aliaj
homoj sendas agx-n. Fakte ne multe gravas, cxar masxinoj cxe alia
ekstremajxo de la drato povas facile malkodigi. Ne multe gravas, cxu oni
sendas nombron:
110111010111101101001 (gix) aux
101111011011101101001 (gxi) aux
110111011011111101001 (ghi) aux
110111011110001101001 (gxi).
La masxinoj facile legas kaj manipulas cxiujn kodojn, kaj ni havas
programojn por legi kaj presi esperantbele la vorton: agxi. Esperantistoj
tute ne devas legi la kodojn, cxu duumajn, cxu duoblaliterajn.
Ecx bagatela problemo pri duoblaj literoj estas nur provizora. Jam multaj
programoj faras cxion, kaj la uzanto tute ne devas pensi pri nurmasxinaj
aferoj. Baldaux (ene de dek jaroj) unikodo (16-bita kodo) farigxos normo
kaj ni povos per gxi facile sendi cxiujn eblajn kromsignitajn literojn (kaj
ankaux milojn da nelatinaj skribsignoj). Mi esperas, ke ni ne devas sxangxi
la ortografion de Esperanto nur por komplezi dum kelkaj jaroj la
elektronikan reton.
Do, mia nekompreno restas. Kial vi deziras sxangxi la aspekton de nia
presita lingvo? D-ro Albault, vi estas unu el la plej eminentaj kaj
respektataj homoj en Esperantujo. Vi estis akademiano kaj prezidanto de la
Akademio de Esperanto. Vi faris multe por Esperanto, kaj la historio
rekonos vian grandan kontribuon al nia lingvo. Estas mistero al mi, ke vi
nun proponas tute nenecesan reformon.
D-ro Zamenhof kreis por ni belan lingvon kun bela alfabeto. Kial oni
dezirus sxangxi gxin?
Respektoplene:
Stecxjo Norvell
el: INTER NI, n-ro aprilo 2001
***************************************************************************
Nefermita respondo
==================
al samideano Stevens Norvell pri la Nova Help"Alfabeto
(D-ro Albault bonkore kaj senprokraste respondis.)
Vi miras kaj vi demandas! Tio honorigas vin, cxar cxiu homo devus miri pri
io nova kaj, cxefe, demandi, kiam li ne aux nur parte komprenas.
Vi ja komprenis la tekstojn de Trefo kaj honeste tion agnoskis. Cetere kiel
logxanto de (ankaux)-anglalingva lando estus mirige kaj ne penseble, ke vi
ne-komprenus tiajn tekstojn (nur parte en nova skribo).
Nia asocio (TRENHA=TRadicia Esperanto, Nova Help"Alfabeto) ja rekomendas
uzi la Zamenhofan alfabeton, cxiufoje kiam tio esblas. Sed uzi la trian
alfabeton aux Novan Help"Alfabeton (NHA) en la kazo, kiam tio ne eblas. Vi
certe scias, ke en la Fundamento Zamenhof donis al ni duan alfabeton, nome
la Fundamentan Help-Alfabeton (FHA), kiu sxangxas cxiun cxapelon al posta
h, sed rekomendas uzi ordinaran u, anstataux la signa ux! Nu! NHA kaj FHA
similas: ch kaj sh identas kaj ambaux uzas ordinaran u, anstataux signa ux!
Pli NHA estas "sub-aro" (kiel diras la matematikistoj) de la Internacia
Ortografio, kiun kaj UN kaj ISO komencas uzi. Do la cetero estas plej
internacia... kaj konata de cxiu anglalingvulo.
Tio signifas, ke ni konsilas al la esperantistoj uzi NHA sur la reto kaj
sekve havigi al nia lingvo alfabeton konforman al la mondaj normoj, sed ne
al niaj kapricaj ideoj. Do: Ne! Ni ne deziras sxangxi la presitan aspekton
de nia lingvo. Sed jes! Ni deziras sxangxi la retan aspekton de nia lingvo,
kiu similas kiel kameleono: cxiu esperantisto kaprice uzas alian
skribmanieron...
Ne post dek jaroj, sed tuj, cxar Unicode bezonis 30 jarojn, por ke la homoj
iom konatigxu kun ties nomo: gxi bezonos aliajn 30 jarojn por gxeneraligxi.
Poste gxi restos nealirebla al multaj simplaj esperantistoj...
Notu, ke cxiu lingvo faras tion, kio sxajnas bona por gxi sur sia
teritorio. Sed se vi demandas, kial ni ne farus same sur la nia mi devus
respondi, ke nia teritorio estas la mondo. Sekve ni ne estas la mastroj!
La cxefa obstaklo kontraux la esperantistoj estas ili mem. Ili opinias sin
solaj en la mondo. Ili rigardu kaj vidu la realon!
Sinjoro Norvell, kredu min! Ni devas armi nian lingvon per nova (ho! parte
nova!) alfabeto. Mi ne vidos la sukceson de tiu entrepreno, sed vi, pli
juna kaj pli vigla, vi ja povas gxin vidi!
Nia lingvo tamen valoras suficxe, por ke ni klopodu iomete favore al gxia
estonteco.
D-ro Andre Albault
***************************************************************************
INSTRUADO, ILEI
///////////////
La 1-a E-kurso en Dominiko!
===========================
La 25-an de januaro komencigxis la unua Esperanto-kurso en Domingo
(Dominika Respubliko). Temas pri nacia historia okazajxo, cxar la Lingvo
Internacia estas gxenerale nekonata en la lando. Tridek-tri homoj, cxefe
gejunuloj, cxeestis la malfermon de la kurso. Tiun cxi kurson gvidas Rafael
Despradel, B-komitatano de TEJO kaj instruisto pri la franca kaj la hispana
lingvoj. La kurso okazas danke al la helpo kaj subteno de TEJO, Internacia
Esperanto-Instituto kaj la Amerika Komisiono de UEA.
Ret-Info
***************************************************************************
RADIO
/////
Havano informas!
================
Danke al afablega kunlaboro de Auxstria Radio Internacia kaj speciale de
ties redaktorino Katinjo Fetes-Tosegi, la havanaj elsendoj estas je via
dispono lauxpete en la reto. La kuba teamo ege gxojas pro tio ke ni esperas
longe resti cxe hejmoj de esperantistoj.
Fakte, la estraro de Radio Havano nuntempe plenumas reoganizigxon cele al
instalado de la novaj teknologioj nuntempe uzataj cxie tra la evoluinta
mondo, sed tio iom post iom, ne rapide evoluas. Bona pasxo estas ke la
radiostacio sukcesis aperi en la reto, sed nuntempe nur pere de Real Audio,
kaj ankoraux ekzistas pluraj teknikaj obstakloj.
Oni povas auxdi Kuban Radion per Real Audio cxiudimancxe je la 15 horo UTC,
tiu estas laux la internacia horarsistemo cxe: http://216.138 .240.229/rc4,
kaj per la servilo de Auxstria Radio cxe: http: //roi.orf.at
/esperanto_demand.html.
Aliflanke, ankoraux por tradiciaj auxskultantoj, sxatantoj de la
mallongondaj elsendoj, oni dauxre havas tiun servon al diversaj
mondopartoj.
Validaj frekvencoj kaj horaroj. Dimancxaj elsendoj en Esperanto.
7.00 UTC 31 9820 KHz Okcidenta Norda Ameriko kaj Pacifika Azio;
15.00 UTC 25 11760 KHz Tuta Ameriko kaj Karibio;
19.30 UTC 21 13715 KHz Euxropo kaj Mediteraneo;
22.00 UTC 21 13715 KHz Euxropo kaj Mediteraneo;
23.30 UTC 25 11760 KHz Tuta Ameriko kaj Karibio.
Leteroj, salutmesagxoj, reagoj, komentoj, kontribuioj k. s. estas cxiam
bonvenaj cxe:
Esperanto-Redakcio de Kuba Radio
Pf. 6240 Havano, Kubo
Rete: radiohc@forigu.ip.etecsa.cu
***************************************************************************
LIBROJ
//////
Rakontaro "Mondoj"
==================
La rakontaro "Mondoj" estas bona ekzemplo de la homa literatura kulturo:
gxi konsistas el 34 rakontoj de 30 diversaj auxtoroj el Afriko, (norda kaj
meza) Ameriko, Auxstralio, Azio kaj Euxropo. Kaj malgraux la diverseco de
iliaj gepatraj lingvoj, kulturoj, nacioj kaj religioj, ligas ilin io
komuna. Iu "unueco en diverseco" videblas en la rakontoj, kiu estas eco de
nia kulturo: cxiuj individuoj, cxiuj per io komuna estas ligitaj unu kun la
alia. Sxajnas, ke la internacia lingvo profunde influis la vivon, pensadon
kaj verkaron de la auxtoroj.
"MONDOJ", 34 esperantaj rakontoj, rikolto 2001. Redaktis T. Chmielik, G.
Handzlik, S. Johansson. Eld. KLEKS, Bielsko-Biala, 2001. 216 pagxoj kudre
binditaj, ISBN 83-7194-201-Xx. Prezo cxe FEL: 16 euxroj + afranko.
Gxi mendeblas de:
Flandra Esperanto-Ligo
Frankrijklei 140, BE-2000 Antwepen, Belgio
Rete: retbutiko@forigu.fel.esperanto.be
***************************************************************************
MALLONGE
////////
Aperis artikolo pri la TEJO-seminario Esperanto@forigu.Interreto en la plej granda
rusa interreta gazeto "Komputerra+". En la artikolo estis grave substrekita
la bezono de internacia lingvo en la epoko de interreto.
* * *
Estis starigita Esperanto-budo de Luksemburga Esperanto-Asocio, lEA dum la
arangxo Lingvo-festo inter 15-16. de oktobro 2001. en Luksembrugo. La
arangxo celas helpi junulojn pri lingvolernado. Esperanto-budo havis
grandan sukceson.
* * *
Korea Esperanto-Asocio, KEA arangxis Esperanto"kurson en 10 urboj samtempe.
Laste amaskomunikiloj ekinteresigxis pri Esperanto pro tiu cxi landskala
evento. Prez. de KEA Lee Jung-kee havis intervujon kun 5 amaskomunikiloj,
inter kiuj trovigxas 2 famaj jxurnaloj.
* * *
Okazis jubilea kunsido de la societo "Amikoj de Esperanto" en Pekino,
Cxinio la 1-an de februaro. Oni festis la 20-jarigxon de la societo.
* * *
Okazis la 88-a Japana Esperanto-Kongreso, JEK inter 12-14. 10. 2001 en
Takarazuka, Japanio.
* * *
Okazis simpozio pri la internacia lingvo en la nova jarcento en Pekino dum
Zamenhof-kunveno en Pekino, Cxinio la 25-an de decembro por ne esperantista
publiko.
* * *
La 18-a Auxstralia Somerkursaro okazis inter 06"18. 01. 2002. en Perlo,
Auxstralio.
* * *
En haveno Sharm el Sheikh, Egiptio trovigxas sxipo, kies nomo estas
Esperanto. Demandante la maristojn oni ricevas plurlingvan (ankaux en
Esperanto) flugfolion.
* * *
Estis starigita Esperanto-stando en Tenerife, Hispanio okaze de librofoiro
omagxe al la festo de Kanaria Komunumo.
* * *
Okazis la 8-a Nacia Kongreso de Federacio Esperanto de Barato, FEB en Pune,
Hindio.
* * *
Okazis Esperanto-seminario okaze de la naskigxtago de L. L. Zamenhof. La
okazajxon partoprenis pli ol 90 partoprenantoj.
***************************************************************************
ANONCETOJ
/////////
Instruisto en franca lernejo (12-17 jaragxaj infanoj) sercxas kolegojn el
euxropaj lernejoj por kunlabori en la projekto Socrates-Comenius. Adreso:
Sinjoro Jose Manuel Soria, Residence Paul Bert - bat. A - porte 9, Chemin
de Halage, FR"24000 Perigueux, Francio, rete: josemanuel.soria@forigu.wanadoo.fr.
* * *
Profitu por viziti la gravan urbon Valencio dum la dutaga antauxkongreso
antaux la 75-a kongreso de Sennacia Asocio Tutmonda, SAT inter 29-30. 06.
kaj partopreni en la plej sudeuxropan kongreson de SAT kiu okazos en
apudmara grava urbo Alikanto. Inf: Marteno Bustin, Tel. kaj fakso 00
965184596, rete: marteno@forigu.ctv.esmarteno@forigu.ctv.es.
***************************************************************************
KORESPONDI DEZIRAS
//////////////////
26 j. frauxlo, progresanto, ne-fumanto, senreligiulo, komputilisto,
eksinstruisto. Interesoj: astronomio kaj aliaj natur-sciencoj, lingvoj,
moroj kaj folkloro, vivo de diversaj landoj, komputiko. Adreso: Jian
Weijian, Tong fu zhong Lu, Shi ba mu heng 4 Hao, CN-510240 Guangzhou
(Kantono), Cxinio, rete: jianweijian@forigu.21cn.com.
* * *
13 j. komencanto. Interesoj: komputiloj, programado, violono. Adreso:
Jonathan Moylan, 91 Harriet st. Waratah NSW-2298 Auxstralio, rete:
jonathan@forigu.eepjm.newcastle.edu.au.
* * *
31 j. ingxeniero. Interesoj: vivmaniero, kulturo de aliaj landoj,
komputiloj, motorcikloj. Adreso: Helio Brilhante, Rua Xavier de Andrade,
56, Mecejana, CEP BR-69.304-330 Boa Vista, Roraima, Brazilio, rete:
heliobp@forigu.technet.com.br.
* * *
32 j. edzigxinta bibliotekistino. Interesoj: cxiutaga vivo en aliaj landoj.
Kiamaniere la homoj vivas, kiel aspektas normala vivo, kia estas la
historio? Mi sxatas vojagxi kaj eble viziti miaj korespondantojn. Adreso:
Sylvia Poehlmann, Sandkamp 1, 3 Et. DE-22111 Hamburgo, Germanio, rete:
spo@forigu.gmx.de.
* * *
19 j. f-ino. Adreso: Samira Gholami, No:8/1, Kh: Shahin, Kh: gaemmagham
Farahani, IR-1585894753 Tehran, Irano.
* * *
14 j. studentino, nova esperantistino. Adreso: Luisa Rea Gomez, Rio
Coatzacoalcos # 1361, Col La Pradera, CP MX-36-630 Irapuato, Guanajuato,
Meksikio, rete: caludalu21@forigu.hotmail.com.
* * *
24 j. komencanto. Interesoj: fremdaj lingvoj, psikologio, literaturo,
muziko kaj komputiloj. Adreso: Dariusz Piltkowski, rete: p.dariusz@forigu.wp.pl.
* * *
52 j. meznivela Esperanto-parolanto. Interesoj: natur"medicino, psiko-
terapio, muziko-terapio, spiritaj kaj religi"komparaj aferoj. Adreso: Karel
Danek, Dr. Pohoreckeho 14A, CZ-351 01 Frantiskovy Lazne, Cxehio, rete:
marcela.dankova@forigu.worldonline.cz.
***************************************************************************
"Eventa ludkvizo"
=================
Cxiuj gxustaj respondoj valoras 2 poentojn. Ludantoj, atingintaj 50
poentojn ricevas premion. Resendu la solvojn al la redakcio rete, letere,
fakse.
1. En kiu lingvo estas skribita la sekva libro: "Zil vol lolik"?
A. Volapuko
B. Ido
C. Novial
2. Kiam mortis D-ro L. L. Zamenhof?
A. La 14-an de aprilo 1917.
B. La 17-an de aprilo 1917.
C. La 17-an de aprilo 1914.
3. Kion signifas la mallongigo TEVA?
A. Tutmonda Esperanto-Verkista Asocio
B. Tutmonda Esperantista Verkista Asocio
C. Tutmonda Esperantista Vegetarana Asocio
Limdato por alsendo: la 1-a de marto 2002. La gxustaj solvoj aperos post 2
numeroj.
* * *
Respondoj al la demandoj aperintaj du numeroj antauxe.
1. Kiu videblas sur la malantauxa flankao de 2 cento de la "Esperantiaj
Euxro-moneroj"? (Vidu la aldonajxon!)?
B. Ivo Lapenna
2. En kiu urbo de Finlando gastigis UK-n lastfoje?
C. Tampere
3. Kion signifas la mallongigo ILERA?
B. Internacia Ligo de Esperantistaj Radioamatoroj
Ni invitas vin, ludu kun ni!
***************************************************************************
INTERESE
////////
Alia vojo
=========
En la artikolo "Truko por plivastigi la movadon" (Eventoj n-ro 219 p. 8.)
s-ro Gbelo Koffi proponas, ke ni "faru" almenaux unu infanon, kiu estu
esperantisto.
Dum UK-o en Zagrebo s-ro Renato Corsetti alvokis, ke ni produktu
esperantistojn.
En revuo "Heroldo de Esperanto" s-ro Walter Zelazny vokas, ke ni kreu la
esperantan civiton. Mi miras, ke gxis nun neniu ideano proponis, ke ni
enmigru ekzemple Antarkton. Kaj tie ni kreu la novan sxtaton "Esperantion".
Laux la ekzemplo de hebreoj tiu sxtato eblas.
La hebrea nacio kreis aux renovigis la hebrean lingvon, kreis novan
sxtaton. Bedauxrinde la sxtato nun havas problemon kun antauxe vivanta tie
palestina nacio.
Ni, esperantistoj vivante sur la sesa kontinento havos problemojn nur kun
frosto kaj pingvenoj. Cxu ne?! Sed koroj niaj estas varmaj!!!
De la tri supraj ideoj al mi tre placxas la ideo de Gbelo Koffi. Produkti
idojn de esperantistoj estas cxiam tre agrabla laboro. Mi kiel 52 jaragxa
viro estas cxiam preta plenumi dezirojn de bonkoraj esperantistinoj
tiucele.
Sed mi dubas cxu mia sindonemo plivastigos la movadon, cxar produktado de
esperantistoj estas pli komplika ol oni supozas. Por ke idoj de
geesperantistoj estu ankaux esperantistoj, bezonata estas gxusta
edukprocezo, kiu estas longdauxra kaj ne cxiam sukcesa.
Mi pensas, ke ni devas plivastigi la movadon alimaniere. Post kursoj de la
internacia lingvo restas nur (laux miaj spertoj) en la movado nur 10-15% de
kursanoj.
Do ni perdas 85-90% da kursanoj al kiuj la movado ne estas suficxe alloga.
Eble tiun problemon ni devas komenci esplori, poste solvi kaj sekve proponi
al la homaro ne nur internan ideon, sed ankaux aliajn varojn de nia monda
kaj esperanta kulturo.
Aleksander Zdechlik
***************************************************************************
La "H-problemo"
===============
Esperantistoj ofte anstatauxigas la cxapelojn kun h en la Esperanto-vortoj.
Kvankam nuntempe la tekniko jam havas solvon por gxuste signi Esperanto-
literojn la "h-sistemo" dauxre vivas.
Jen kelkaj ekzemploj kiam la kodado de "h"sistemo" al normalaj cxapeloj
kauxzas problemon:
Waringxien, Figxiera, flugxaveno, vangxaroj, drogxerbo, Bagxy, tagxejmo,
tagxelo, sagxerbo, longxara, kuracxerbo, Muncxen, oficxoro, junecxormono,
balancxorlogxo, kvarcxorlogxo, policxundo, Wincxester, grejxundo,
lernejxejmo, gajxumora, misxumora, gxisxauxte, kulisxeroo, misxerbo,
disxumora, eksxibiciulo, gasxejtado, gasxava, gasxoso, grasxisto,
misxonorigi, disxarmonia, luksxundo, dorsxauxto, plusxoro, cxasxundo,
gxisxorizonta, desxidratigi, Wasxington, Scxleyer, Eicxholz, ktp.
**************************************************************************
**************************************************************************
EVENTOJ, n-ro 224, 1 / februaro-2002
Internacia sendependa gazeto pri la Esperanto-movado.
Reg.nr: B/TSZL/85/1991. ISSN 01215-959 X
Eldonas LINGVO-Studio kaj Kultura Esperanto-Asocio.
HU-1675 Budapest, pf. 87.
Tel./fakso: +36-1-2828885. Retposxto: eventoj@forigu.esperanto.org
Retpagxo: http://www.eventoj.hu/
Aperas dusemajne.
Redaktas: Axel Orszag-Krysz
Respondeca eldonanto kaj cxefredaktoro: Laszlo Szilvasi.
Oficeja kunlaboranto: Istvan Meszaros
La redakcio ne nepre konsentas pri la enhavo de unuopaj artikoloj,
kaj ne respondecas pri la anonc-enhavoj.
Abonkotizo: 74 NLG (aere 86 NLG) al la UEA-kodo ELLS-S.
**************************************************************************
**************************************************************************