| |
|
|
Izumibashi estas japana Sake-farejo, kiu situas ĉ. 40 kilometrojn sude de Tokio kaj ĉ. 20 kilometrojn okcidente de Jokohamo. Ĝi fondiĝis en 1857, kaj funkciadis krom 14 jaroj antaŭ kaj post la dua mondmilito.
Tiu ĉi paĝo estas tute alia ol la japana hejmpaĝo je sia enhavo kaj strukturo, sed kreiĝas por klarigi kio estas sakeo al alilandanoj sen scio pri sakeo.
Sakeo estas tradicia drinkaĵo, kion ni havis de antaŭ longe. Ĝi aperas unue en la japanaj mitoj, kaj formis modernan farmanieron jam en ĉ. la 17a jarcento.
Sakeo estas travidebla kaj senkolora (aŭ iomete flava) likvaĵo, kio enhavas pli-malpli 15 %-jn da alkoholo.
Laŭ la statistiko en 1993, ni, japanoj plej multe drinkis bieron (je 72%), kaj sekvante sakeon (je 15%). Kvanto de eksportita sakeo restas ĉ. 19,826 kilolitrojn, kiu egalas al la tuta kvanto da sakeo konsumata dum 2 monatoj en Tokio.
La sekvaj paĝoj klarigos kio kaj kia estas sakeo. Se vi havas sugeston aŭ demandon, bonvolu turni vin al nia e-poŝto, admin@izumibashi.com, aŭ al fakso, +81-462-33-1452. Tiam bonvolu skribi en Esperanto, aŭ en la angla aŭ la japana, sed ne en aliaj lingvoj.
Ni havas du specojn de drinkaĵoj: Fermentitaj kaj distilitaj. Ni nomas
bieron, vinon kaj sakeon, "fermentita drinkaĵo", kaj viskion, brandon ktp,
"distilita drinkaĵo".
Sakeo estas ankaŭ fermentita drinkaĵo kiel biero kaj vino. Per
alkohol-fermentado en la farprocedo, gistoj ŝanĝas vinberojn aŭ sakarigitan
grenon en alkoholon.
Greno por biero estas hordeo. Unue, bierfarejo faras el hordeo malton kaj
ĝian dolĉan piston, kaj due, fermentigas per biergistoj. Kruda materialo por
vino estas vinberoj. Sen antaŭa procedo, vinfarejo ne kiel bierfarejo povas tuj
fermentigi vinberojn per vingistoj, ĉar vinberoj havas sukeron jam de la
komenco.
Farmaniero de sakeo estas pli simila al tio de biero ol tio de vino. Ĉ ni
necesas sufiĉe da sukero por gistoj por naski alkoholon. Vi devas scii, ke bier-
kaj Sake-gistoj ne povas naski alkoholon per grena amelo.
Elemente, sakeo estas nur el rizo kaj akvo.
Per la tradicia farmaniero, ni utiligas gistojn ekzistantajn en la aero. Sed
nun, por malmultigi koston kaj fermentan tempon, ni ofte uzas Sake-gistojn
vendatajn al Sake-farejoj.
Ankaŭ akvo estas grava por fari sakeon. Antaŭ multaj multaj jaroj, ni uzis
ankaŭ akvon de rivero kaj lago, sed nun uzas ĉerpitan subteran akvon post
filtrado.
Regionoj famaj pro bonaj sakeoj, estas ankaŭ riĉaj je bona rizo kaj bona
akvo.
Antaŭ 20 jaroj, nur malmultaj junuloj havis intereson pri sakeo. (Ofte okazas
en iu ajn lando, ke junuloj neas tradicion.) Ili eĉ intence pli multe havis
bieron kaj viskion ol sakeon. Sed de la lastaj jaroj, sakeo fariĝas tre populara
inter junuloj.
Unu granda kialo estas unu speco de sakeo, "Ginzyoo-syu" vaste prezentita de
Sake-farejoj al la merkato. "Ginzyoo-syu" havas bonan dolĉan odoron, kaj bonan
mildan kaj ĝentilan guston. "Ginzyoo-syu" estis inventita pli ol 100 jaroj, sed
estis farita ĉefe por Sake-konkurso, kie Sake-farejoj konkuras kvaliton de
sakeo. Sed ĝi enmerkatiĝis por konsumantoj, kaj fariĝis populara en la merkato
de drinkaĵo en la lastaj jaroj.
Nuntempe la plejparto de eksportataj sakeoj estas tiu speco, "Ginzyoo-syu".
"Toozi" estas direktanto kaj metiisto, kiu faras sakeon. Somere li laboras
kiel farmisto, sed vintre loĝas en la farejo por fari sakeon aparte de sia
familio. sakeo estas farita laŭ lia plano kaj sub lia direktado.
Ekzistas ĉ. 8,000 "Toozi" en Japanio. Ili havas propran lokan grupon kaj
propran stilon por fari sakeon, kaj tial ni povas ĝui diversecon de sakeo pri
ĝia gusto.
"Kuramoto" signifas Sake-faranton aŭ lian Sake-farejon mem. Ni trovas ĉ.
2,000 Sake-farejojn en Japanio. Kelkaj el ili havas grandan farejon, kaj faras
sakeon ĝuste kiel industrio. Sed, la plejparto de ili estas malgrandaj farejoj,
kiuj produktas malpli ol 20 kilolitroj da sakeo po unu monato.
"Kuramoto" havas ŝtatan licencon, kio permesas al ili produkti sakeon. (Neniu
rajtas produkti nek vendi sakeon sen la licenco en Japanio.) La deveno de
"Kuramoto" estas tre malnova, kaj multaj el Sake-farejoj havas longan historion
pli ol 100 jaroj. Sed pro multaj kialoj, la nombro de "Kuramoto" pli kaj pli
fariĝas malmulta.
Japanoj havas ideon, ke Sake-farado apartenas al unu parto de la japana
spirita kulturo. Kaj vi devas scii, ke multaj "Kuramoto" tenis kaj evoluigis
tion dum longa tempo.
Bona sakeo estas el bona rizo kaj bona akvo.
La rizo estas malsama al la speco de rizo, kion ni manĝas. Ĉar rizo por sakeo
havas malpli densan amelon en la centro de riza greno, ĝi aspektas blanka kaj ne
travidebla (vd. fig. 1), kvankam rizo por manĝi ne tiel blankas kaj duone travideblas. Rizo
por manĝi tute ne taŭgas por Sake-farado.
Ankaŭ akvo estas grava kruda materialo. Ni devas kvazaŭ perfekte filtri feron
kaj manganon, ĉar ili estas ne venenaj por homa korpo, sed ĝenaj por Sake-farado
aŭ sakeo mem.
Unue, ni malkovras oran malmolan ŝelon de greno de Sake-rizo. Due, ni skrapas
kelkdek ĝis 65%-jn de la ekstera surfaco de rizgreno. Restas nur la centra parto
de la rizgreno. Trie, ni purigas ĝin per akvo (vd. fig. 1),
trempas ĝin dum iom da tempo, vaporas ĝin (vd. fig. 2), kaj malvarmigas ĝin (vd. fig. 3).
Mallonge dirite, ni akiras sakeon elpremante sakon kun fermentanta pisto.
La fermentanta pisto estas el "Koozi", "Moto", akvo kaj vaporita rizo (vd. fig. 4). Ĝi enhavas 20%-an "Koozi" kaj 7%-an "Moto", kaj estas fermentata dum ĉ. unu monato je 10 ĝis 15 gradoj laŭ celsiuso.
"Koozi" estas el vaporita rizo kun tiel-nomata Koozi-semo, kio estas flava
kaj iu speco de ŝimoj (vd. fig. 5). La
ŝimoj naskas diversajn enzimojn el vaporita rizo. La enzimoj apartenas al
proteinoj, kaj helpas rizon ŝanĝiĝi en sakaridon kiel glukozon, ktp. La ŝimoj mem mortas en fermentanta pisto pro manko de oksigeno.
"Moto" estas el Sake-gistoj kaj speciala "Koozi" farita por "Moto", kaj estas
por kulturi amase da gistoj (vd. fig. 6).
Nuntempe multaj Sake-farejoj uzas Sake-gistojn vendatajn por Sake-farado, sed
ankoraŭ ekzistas malmultaj, kiuj faras "Moto"-n utiligante naturan giston
ekzistantan en la aero.
La gistoj en fermentanta pisto ŝanĝas glukozon aŭ fruktozon en alkoholon. En
la fermentanta pisto, sakarigo de rizo kaj alkoholigo de sakaro paralele
progresas. Danke al tiu fermentmetodo sakeo povas akiri 20%-an alkoholon, kio
estas la plej multa en fermentitaj drinkaĵoj.
En la fermentanta pisto ni aldonas kelkfoje "Koozi"-n, vaporitan rizon kaj
akvon, kaj daŭrigas ĝin fermenti dum 20 ĝis 30 tagoj.
Post tio, ni enmetas la piston en sakojn (vd. fig. 7),
kaj la sakojn en premmaŝinon (vd. fig. 8),
kaj apartigas likvaĵon de solidaĵo premante per ĝi. Ni lasas ĝin 10 tagojn, kaj filtras senkoloran supran parton de la likvaĵo per karbona filtrmaŝino (vd. fig. 9).
Kaj la filtrita likvaĵo estas varmigita en 60 ĝis 65 gradoj laŭ celsiuso dum
mallonga tempo por mortigi bakteriojn.
Nun naskiĝas sakeo.
La sekvanta figuro prezentas al vi resumitan procedon por fari sakeon (vd. fig. 10).
Ni povas trovi diversecon de Sake-ujoj, sed la plejparto estas el vitro:
Glas-tipo estas por 180 mililitroj (vd. fig. 1);
Botel-tipo estas por 300, 720, 900 kaj 1,800 mililitroj (vd. fig. 2).
Granda Sake-farejo havas paper-tipojn por 180, 900, 1,800 mililitroj (vd. fig. 3),
kaj ankaŭ aluminiajn skatol-tipojn por 180, 200 kaj 300 mililitroj (vd. fig. 4).
Sakeo tuj post elpremiĝo de sakoj havas 12 ĝis 20%-jn de alkoholo. Plejparte
liveritaj sakeoj havas 14 ĝis 15%-jn.
Sakeo kun forta odoro havas ester-odoron kiel odoron de bone maturita pomo aŭ
banano. Gusto de sakeo estas diversa kiel vino, dolĉa koktelo, ktp. Tial ni
konsilas al vi ne decidi kia estas sakeo en la okazo, kiam vi unuafoje renkontas
sakeon.
Jen estas speciala sakeo, kion ni faras multe skrapante la surfacon de
rizgreno, kaj uzante nur ĝian centran parton. "Daiginzyoo-syu" signifas la plej
luksan "Ginzyoo-syu", ĉar ni uzas nur la centran parton de rizgreno skrapinte
ĝian surfacon ĝis 50%. Nature ĝia kosto estas pli multa ol ordinaraj sakeoj, kaj
ĝenerale ĝi kostas 20 ĝis 30 dolarojn por 720 mililitroj.
Ĝia odoro estas flora kiel brando, kaj gusto estas milda kiel akvo. Kelkaj
diras, ke ĝia unua impreso estas tre bona, sed oni sentas ian mankon post sufiĉa
drinkado.
Ni drinkas ĝin malvarmigante en 8 ĝis 10 gradojn laŭ selciuso.
Kruda likvaĵo tuj post elpremiĝo de sakoj kun fermentanta pisto devas varmiĝi
por ke bakterioj mortu. Sed laŭ evoluo de fridujo kaj livermetodoj, sakeo sen
varmigo aperas en la merkto. Tia estas nomata kiel "Nama-zake".
"Nama" havas sencon, senvarmigita. Tial ni povas ĝui freŝan guston, sed havas
samtempe riskon de malbone ŝanĝita gusto pro malbona kondiĉo de konservado. Ni
devas konservi ĝin en fridujo ĝis ekdrinkado.
Ĝia gusto kaj odoro iomete similas al "Ginzyoo-syu". Ni drinkas ĝin
malvarmiginte en 6 ĝis 8 gradoj laŭ selciuso.
Ĉar ekzistas diversaj sakeoj, ni havas diversajn manierojn por drinki.
Ĝenerale, ni drinkas ĝin post malvarmigo, aŭ sen malvarmigo. Sed kelkaj
drinkas ĝin varmiginte ĉ. en 40 gradoj laŭ selciuso ĉefe en vintro, se ĝia gusto
estas forta kaj klara. "Nama-zake" kaj "Ginzyoo-syu" taŭgas esti malvarmigitaj
en 6 ĝis 10 gradoj por drinki.
Ni devas konservi sakeon en malvarma loko sen lumo, aŭ en fridujo. Post
malfermiĝo de sakeo ni devas fordrinki kiel eble plej baldaŭ konservante en
fridujo. Ĉi tiu konsilo estas tre grava speciale por "Nama-zake" kaj
"Ginzyoo-syu".
Ni drinkas sakeon uzante malgrandan vitran aŭ ceramikan drinkujon (vd. fig. 1).
Ligna aŭ metala drinkujoj estas malofte uzataj. Speciale, la ceramikaj havas
diversajn figurojn, kolorojn kaj desegnojn, kio apartenas al la japana tradicia
arto.
Ĉar sakeo havas diversan guston, ni devus elekti taŭgan sakeon por ke
mangaĵoj plej bone sidu sur la sakeo.
Enhavo
("Fermentita drinkaĵo",
"Rizo kaj akvo", "Ginzyoo-syu", "Toozi", "Kuramoto")Kvin ŝlosilvortoj por scii ĝenerale kio estas sakeo
1-1. Fermentitaj drinkaĵoj
1-2. Rizo kaj akvo
1-3. Ginzyoo-syu, iu speco de bona sakeo
1-4. Toozi, direktanto de Sake-farado
1-5. Kuramoto, Sake-faranto aŭ -farejo
Krudaj materialoj de sakeo
Kiel fari sakeon
Specoj de sakeo
4-1. Ujoj
4-2. Procentoj de alkoholo
4-3. Gusto kaj odoro
4-4. "Ginzyoo-syu"
4-5. "Nama-zake"
Kiel drinki sakeon
| ©1996 Izumibashi Co.,Ltd., ONO Takao 902 Shimoimaizumi, Ebina, Kanagawa, 243-04 JAPAN Fax: +81-462-33-1452, E-Mail: admin@izumibashi.com |
Iom ŝanĝita aspekto de la originalo: STEB: www.eventoj.hu
