Diagnoza mezurilo por trakforko

La plej danĝeraj punktoj en la fervoja trakaro estas la trakforkoj. Por eviti la danĝerigajn okazojn, oni devas regule kontroli ĉi tiujn teknikajn elementojn.

Por fari la kontroladon akurata, sen homa eraro, oni decidis konstrui elektronikan mezurilon. La mezurilo nomata VEM (mozaikvorto laŭ la hungara nomo), estas uzebla por mezuri la diversajn fortoefektojn inter la relkomutila regmekanismo kaj la trakforko.

La fortoefektoj reprezentas:

  1. Manipuligan forton – informas pri la stato de trakforko.
  2. Bremsa forto – informas pri la potenco de regmekanismo.
  3. Forto de defroga fuovo – informas pri la fiksigo.

La mezurilo donas informon, diagraman sur papero, kun ciferoj en aperigilo LCD tipa, kaj oni havas eblon konekti la mezurilon al komputilo. Pere de aperigilo oni povas tuj decidi pri la urĝaj bezonaĵoj. La mezurilo povas stori multajn informojn, kiujn en komforta ejo oni povas tre efike analizi per komputilo. La programon oni povas funkciigi per WIN-95 aŭ pli nova sistemo.

Teknikaj datenoj de la mezurilo VEM

— Mezuraj intervaloj (fortoj):

3,12 KN (laŭ ŝtupo 100 N)
6,25 KN (laŭ ŝtupo 50 N)
12,5 KN (laŭ ŝtupo 25 N)

— Kapacito de akumulatoro: 4 Ah / 6,4 V NiCd

— Funkciada tempo: 10 h en mezuro / 4 h en surpaperigo

— Funkcia temperaturo: –20 °C ĝis +50 °C

— Precizeco: 5%

La suba figuro montras desegnaĵon pri la mezurilo.

1: ŝaltilo; 2: fandaĵo; 3: kontaktilo; 4: kontaktilo;
5: kontaktilo; 6: aperigilo LCD; 7: surpaperigilo; 8: butonaro.

— Kapacito de daten-gardilo (storilo): 650 sek. mezurtempo

— Sensiga frekvenco: 500 Hz.

— Tipo de aperigilo: LCD, 2x16 karaktraj

— Tipo de surpaperigilo: grafika matrica printilo

— Tipo de komputila kontakto: RS-232 laŭ V-24 normo, rapido = 9600 Bd

Ĉi tiun mezurilon oni uzas ĉe la Hungaraj Ŝtatfervojoj en diversaj terenoj. Ekz.: Oni uzas ĝin en la bontenado, en la renovigado.

KRISTΑLY Tibor
retadreso: leono heliko freemail.hu

STEB: http://www.eventoj.hu